Сағаттық белдеудің UTC+5 ауысуы бойынша жоспарлы техникалық жұмыстар жүргізуге байланысты «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» ақпараттық жүйесінің порталы (https://reestr.nadloc.kz) 2024 жылғы 29 ақпан сағат 23.00 бастап 2024 жылғы 01 наурыз сағат 01.00 дейін уақытша қолжетімсіз болатындығын хабарлаймыз.

Ағымдағы жылғы 11 - 19 қаңтар аралығында (7 жұмыс күні) серверлік жабдықтың істен шығуына байланысты «Жер қойнауын пайдалану жөніндегі операцияларды жүргізу кезінде пайдаланылатын тауарлардың, жұмыстар мен көрсетілетін қызметтердің және оларды өндірушілердің тізілімі» МАЖ жұмысында техникалық ақау болғандығы туралы хабарлаймыз.

Қазақстан Республикасы Кәсіпкерлік кодексінің 169-1-бабының 1-тармағын басшылыққа ала отырып, әлеуетті өнім берушілер арасындағы бәсекелестікті шектеуге жол бермеу мақсатында конкурстық рәсімдер бойынша техникалық ақау кезеңінде келіп түскен конкурстық өтінімдерді қабылдаудың соңғы мерзімі әлеуетті өнім берушілердің конкурстық өтінімдерді ұсыну мүмкіндіктері үшін а.ж. 22 қаңтардан бастап 7 жұмыс күніне (жүйе жұмысы іске қосылған күннен бастап) ұзартылатын болады. Осыған байланысты:

Тапсырыс берушілер үшін: 1) тапсырыс берушінің карточкасын ақпараттық деректердің (жер қойнауын пайдалану туралы келісімшарттың (лицензияның), ЕҚ бойынша міндеттеменің нөмірі және күні және т.б.) болуына тексеру, болмаған жағдайда жаңарту; 2) ҚПҚ жер қойнауын пайдаланушылар үшін сатып алынған ТЖҚ және олардағы ЕҚ үлесі туралы 2023 жылғы 4-тоқсанға (2023 жылғы 1, 2 және 3-тоқсанға өсімсіз) арналған есептерді ағымдағы жылғы 25 қаңтарға дейін орналастыру;

қызмет көрсетушілер үшін: 1) конкурстық өтiнiмдi бергенге дейiн жеткiзушiнiң карточкасындағы құрылтай құжаттарын жаңарту (конкурстық өтiнiмдi қабылдамауды болдырмау үшiн); 2) аяқталмаған ашық конкурстар мен электрондық сауда-саттыққа қатысу үшін берілген конкурстық өтінімдерді қайтарып алу және жаңартылған деректермен қайтадан ұсыну қажет.

«QazIndustry» Қазақстандық индустрия және экспорт орталығы» АҚ ҚР ИИДМ 2022 жылғы 15 маусымдағы №342 бұйрығымен бекітілген Отандық өңделген тауарларды, жұмыстар мен көрсетілетін қызметтерді ішкі нарыққа ілгерілетуге бағытталған өнеркәсіпті мемлекеттік ынталандыру шараларын көрсету қағидаларын (бұдан әрі – Қағида) төмендегі шығын түрлері бойынша осы мемлекеттік ынталандыру шарасын алу туралы өтінім беру арқылы іске асыруға қатысуға шағын және орта кәсіпкерлік субъектілерін шақырады
Құрметті кәсіпкерлер, бизнес иелері, ұйым басшылары және басқа да мүдделі тұлғалар!
«QazIndustry» Қазақстандық индустрия және экспорт орталығы» АҚ (бұдан әрі - «QazIndustry») ҚР ИИДМ 2022 жылғы 15 маусымдағы №342 бұйрығымен бекітілген Отандық өңделген тауарларды, жұмыстар мен көрсетілетін қызметтерді ішкі нарыққа ілгерілетуге бағытталған өнеркәсіпті мемлекеттік ынталандыру шараларын көрсету қағидаларын (бұдан әрі – Қағида) төмендегі шығын түрлері бойынша осы мемлекеттік ынталандыру шарасын алу туралы өтінім беру арқылы іске асыруға қатысуға шағын және орта кәсіпкерлік субъектілерін шақырады:
1) отандық өңделген тауарлардың, жұмыстардың, көрсетілетін қызметтердің және сапа менеджменті жүйелерінің «Техникалық реттеу туралы» Қазақстан Республикасының Заңына сәйкес Қазақстан Республикасының аумағында рұқсат берілетін техникалық регламенттер мен стандарттау бойынша құжаттармен белгіленген талаптарға сәйкестігін растау кезінде жұмсалған шығындар, соның ішінде:
отандық өңделген тауарлардың, жұмыстар мен көрсетілетін қызметтердің сәйкестігін растауға байланысты бағалау жүргізуге;
сынақ нәтижелеріне сараптаманы қоса алғанда, шығарылатын өнімге сертификаттық және зертханалық сынақтар жүргізуге;
инспекциялық аудит және бақылау жүргізуге;
сертификаттарды тіркеуге;
сертификаттарды қайта ресімдеуге және ұзартуға;
2) жеңіл өнеркәсіп субъектілерінің аяқ киім өнімдерін таңбалауға арналған бағдарламалық қамтуды қоса алғанда, сәйкестендіру құралдарын салуға арналған жабдықтарды сатып алуға байланысты шығындары:
сәйкестендіру құралдарын сатып алуға (сатып алуға);
өнім шығару сатысында сәйкестендіру құралдарын салу жөніндегі типографиялық қызметтерді сатып алуға (сатып алуға);
инженерлік бағдарламалық қамтуды қоса алғанда, сәйкестендіру құралдарын немесе материалдық тасымалдауыштарды салуға арналған жабдықты сатып алу арқылы өндірісті қайта жарақтандыруға.
Өтінім берілген күнге дейін жиырма төрт айдан ерте емес, өтеуге ұсынылатын соманың 50% мөлшерінде, бірақ одан аспайтын негізді және құжатпен расталған шығындар өтеледі:
1) осы Қағиданың 8-тармағының 1) тармақшасына сәйкес өтінім берілген күнге дейінгі соңғы 24 (жиырма төрт) ай ішінде жұмсалған шығындар бойынша индустриялық-инновациялық қызметтің бір субъектісіне 3 000 (үш мың) айлық есептік көрсеткіш - (бұдан әрі-АЕК);
2) осы Қағиданың 8-тармағының 2) тармақшасына сәйкес өтінім берілген күнге дейін соңғы 24 (жиырма төрт) ай ішінде жұмсалған шығындар бойынша жеңіл өнеркәсіптің бір субъектісіне 10 000 (он мың) АЕК.
Қағидалар «QazIndustry» АҚ-ға өтінім беру сәтінде тіркеу мерзімі кемінде 1 жыл болатын Басым тауарлар тізбесіне (Қазақстан Республикасы Индустрия және инфрақұрылымдық даму министрінің м.а. 2022 жылғы 30 мамырдағы № 306 бұйрығы) енгізілген өнімді өндіретін өнеркәсіптік кәсіпорындарға арналған. сілтемесі және + 7 (7172) 793391, 793392 (+ 444) телефондары бойынша мемлекеттік ынталандыру шаралары туралы толық ақпарат алуға, сондай-ақ, электрондық өтінім беруге болады.
Толығырақ